A im Nei’n Jahr gibt’s wieda an Krimi-Schreibwettbewerb fia Kinder und Jugendliche. Einsendeschluss is da 19. Februar 2010. Wer glei alloa loslegn mechad, wundabar. Teams soit’n möglichst aus Gleichaltrige bestehen und ned mehr wia vier Kinder umfassn. Alle ei’gsandtn Krimis wern von a Jury g’lesn, d’ Gewinner wern in drei Altersgruppen aus’ xuachd.

Wer ned glei alloa loslegn mecht oda no ned genau woas, wia ma an Krimi schreibt, konn si Anregunga, Tipps und Untastützung in de Krimi-Schreibwerkstätten hoin: am Freidog, 8. und 15. Januar, 15 bis 18 Uhr, im Literaturhaus München, Salvatorplatz 1 (U-Bahn Odeonsplatz); oda am Freidog, 29. und Samsdog, 30. Januar, 15 bis 18 Uhr, in da Internationalen Jugendbibliothek, Schloss Blutenburg (Metro-Bus 56). Anmeldung unta: Tel. 34 16 76, Gebühr pro Kurs fia beide Termine 20 Euro. Die Kinderkrimis wern vaöffentlicht und am breiten Publikum präsentiert. D’ Preisträger lesn aus ihre Krimis bei da Preisverleihung im Literaturhaus und im Rahmen von da Kinder-Kriminacht in da Seidlvilla. D’ Preisverleihung findt am Donnersdog, 25. März um 16.00 Uhr im Literaturhaus München statt. Alle Kinder, die mitg’schriem hom, griagn dazua a persönliche Einladung. D’ Preise übagibt die Schirmherrin von dem Wettbewerb, d’ Schauspielerin Michaela May.

Mitmacha derfa alle Kinder im Alter von 9 bis 14 Jahr aus’m Großraum München. Da Krimi derf maximal drei Schreibmaschinen-Seit’n (ned greßa ois Schriftgröße 10 Punkt) umfassn. Auf jedm Manuskript miassn auf da erstn Seitn folgende Angaben steh: Name, Vorname, Geburtsdatum, Anschrift, Telefon, E-Mail-Adresse, Schule und Klasse. Bitte nua Kopien eischigga – d’ Manuskripte kenna ned zrugg gschiggt wern. Da Rechtsweg is ausgschlossen.

Schiggt’s euan Krimi bitte an: Kultur & Spielraum e.V., Ursulastraße 5, 80802 München, Kennwort: Krimipreis Einsendeschluss: 19. Februar 2010 (Poststempel).