Münchner Wiesn Plakat 2010

4. Februar 2010 | von | Kategorie: Sehenswürdigkeiten

Wiesn Plakat 2010

A zua 200-Jahr Jubiläums-Wiesn hod’s wieda an Wettbewerb zua Gestaltung vom offiziellen Plakatmotiv gem. Jetzad hod d’ Jury as Sieger Plakat va’öffentlicht.

Wia seit de letzt’n zehn Jahr a scho is a des Jahr unta mehrare Teilnehmer as offizielle Plakatmotiv fia’s Münchner Oktoberfest in am Wettbewerb ermittelt worn. Ei’glodn warn de Preisträger vom Plakat & Media Grand Prix vom Fachverband Außenwerbung e.V. und de Münchner Design-Fachschulen und –Akademien.
De meistn wo mitgmacht hom, san mit zwoa Entwürf an Start ganga, so dass zum Schluss 18 Motive vo 10 Kandidatn zua Wahl g’standn san.

Ausxuacht hod d’Jury de Kreation von da Nathalie Fumelli, die a ehemalige Studentin von da Design-Schule München is und inzwischn in London Graphic Design studiert. Sie gfreid se jetzad erstmoi üba die 2.500,- € Preisgeld die’s hoffentlich ned komplett auf da Wiesn vabledlt. Aussadem werd’s sauba stolz drauf sei, das ihr Buitl auf unbandig vui Plakate, Prospekte, Sammlerkrüge und Souvenirs zu seng is.

Tags: , , , , , , , , , , ,

Oa Kommentar
Do konnsd Dein Senf dazua gem »

  1. Das Münchner Wiesn Plakat 2010 zum Jubiläums Oktoberfest 2010…

    A zua 200-Jahr Jubiläums-Wiesn hod?s wieda an Wettbewerb zua Gestaltung vom offiziellen Plakatmotiv gem. Jetzad hod d? Ju……

Do konnsd Dein Schmarre neischreim