Josefibock auf’m Reutberg
5. Februar 2010 | von Biergartler | Kategorie: Umland, treffenJosefifest 2010 im Kloster Reutberg
Es is zwar no a bissal Zeit, aba trotzdem san’s auf’m Reutberg scho fleissig am Brauen. Die fünfte Jahreszeit fangt bekanntlich mit’m Josefifest im März o’ und dazua g’hört da bernsteinfarbene Josefibock. Die eibraute Menge übasteigt des Jahr die 1000 Hektoliter-Marke, wos a guad sei werd, wei zum 333-jährigen Jubiläum is einiges los auf’m Klosterberg in Reutberg. Des Josefifest lafft vom 12. – 23. März und zum erstn Moi werd die Reutberger Bierkönigin g’wählt. Vier richtig beantworte Fragen und des Wohl der Jury miassn reicha um am erst’n Fest-Wochenend zur 1.ten Bierkönigin kürt z’wern. Interessierte Madl kenna sich des Bewerbungsformular ausdrugga und abschigga.
Übrigens wern in da Klosterbrauerei Reutberg insgesamt neun Biere gebraut, inklusive der Saisonmarken, wobei as neie Kloster Hell da absolute Renner is. Aba am best’n ihr fahrt’s selba hi und probiat’s es aus…
