Durschtlöscher – ja; Sportlergetränk – ned unbedingt

Alkoholfreies Bier liegt im Trend. Vor allem Hefeweißbier ohne Alkohol werd in Deutschland gern drungga. Es is a kalorienarmer Durschtlöscher. D’ Stiftung Warentest fand in am Test von 20 alkoholfreie Weißbiere, wia de Biere a g’nennd wern, hauptsächlich „guade“ und „befriedigende“ Biere. Laut da Juni-Ausgabe von test hodz aba a zwoa, die’ d Note „Mangelhaft“ kassiert hom: „Graf Arco Weiße Alkoholfrei“ und „Schönbuch Hefeweizen Alkoholfrei“ enthielten lebende Milchsäurebakterien. Die schaden zwar ned da Xundheit, aba’m Bier – sie kenna’s vadeam. Außadem hom’s grocha und muffig g’schmeggd.

Da G’schmagg hod im Test a große Rolle gspuid. Da san bei sechs Marken im direkten Vergleich zum Teil große Unterschiede zwischen Weißbier mit und ohne Alkohol festgstellt worn, a wenn de Hersteller des anders darstellen und mit da Ähnlichkeit sogar mehr oda weniger direkt werm. Des hod Abzüge in da Bewertung da Kennzeichnung gem. Die weniga stark ausprägten Aromanoten kemma duach’s Entalkoholisieren oda’n Gärungsstopp zu Stande.

Wer gern säuerliches Weißbier dringgd, is mit „Schneider Weisse“ und „Tucher“ guad beraten, wer’s gern siaßer mog, mit „Erdinger“. Des billigste „guade“ Bier im Test war „Original Oettinger“ mit 35 Cent pro Flasche, und fia rund as Dreifache, 1,09 Euro, gibt’s mit „Neumarker Lammsbräu“ a „guads“ Bio-Weizen.

Ois Sportlergetränk san alkoholfreie Weißbiere ned grundsätzlich zu empfehlen, weil ned alle isotonisch san, a wenn’s draufsteht. Im „Hefe Weizen Alkoholfrei“ von Will-Bräu ist die Konzentration von gelösten Teilchen fia’ d Auslobung „isotonisch“ ned hoch gnuag. Außerdem hom alle Biere im Test z wenig Natrium und z’ vui Kalium fia Ausdauersportler. A korrekte Deklaration foid viele Anbieter offensichtlich schwer, und so gab’s Punktabzüge fia fehlerhafte Nährwertangaben.

Da ausführliche Test is in da Juni-Ausgabe da Zeitschrift test und online unter www.test.de/weizenbiere zum finden.