Bayern statt Ballermann

10. August 2010 | von | Kategorie: News aus'm Freistaat

München – eine Stadt mit vielen Gesichtern

Sie bietet alle die’s bsuacha a unglaubliche Vielzahl an Highlights in jeda Kategorie: Ob’s jetzad kulturell, sportlich oda in Bezug auf’s Fuatgeh und Nachtleben is – in unsara bayerischen Metropole kimmt jeda auf seine Kosten.

Die Landeshauptstadt Bayerns is fia an Hauffa Leit da Inbegriff von Lebensfreude und Vielseitigkeit. Ursprünglich ois tief religiös, präsentiert sich da Bayer heitzdog ois sehr liberal und gastfreindlich. Gleichzeitig wern Traditiona liebevoll pflegt. München is weithin bekannt fia Weißwurscht, Brezn und Weißbier, des am liabst’n im Maßkrug. Ois zsamm findt ma in de unzähligen, gmiatlichn Boazn, wia’s bei uns gern hoassn. Aba a des vielfältige kulturelle Angebot macht München zu am beliebten Reiseziel. Ogfanga bei da Münchener Philharmonie üba sehenswerte Kirchen wia da Frauenkirch oda d’ Herz-Jesu-Kirche bis hi zua bedeutende Museen wia’m oanzigartign Deutschen Museum und de wertvollen Kunstsammlunga von da Neuen und Alten Pinakothek. An warme Sommerabende findt ma im Englischen Garten mit seine weitläufigen Wiesn und Biergarten unta riesige Kastanienbaam a nahezu mediterran’s Lebensgfui.



www.groupon.de

Soboid ma raus fahrt aus da Stodt, trifft ma schnell auf ruhigare Fleckerl, vor allem in unsare scheena, bergigen Landschaften um die Seen wia am Starnberger- oda Tegernsee. Und a de beeindruckende Bergwelt von de Alpen is nua a guade Autostund’ von München entfernt.

Wos gibt’s aiso scheena’s wia am Urlaub in Bayern…

Tags: , , , , , , , , , , ,

Do konnsd Dein Schmarre neischreim