Biergarten Mühlenpark in Garching

18. August 2010 | von | Kategorie: neiaste Biergärten

Da Biergarten Mühlenpark is a wunderschön idyllisch gelegener Biergarten in da Nähe von de Isarauen, mit praktisch koam Autoverkehr oda andern Krach. A Paradies fia de Kinder is der scheene grosse Spuiplatz direkt am sichern Bachlauf. Da wo der heutige Biergarten is hod bis 1975 a echte vom Mühlbach betriebene Mühle gstandn. Nachdem de Gebäude wega Baufälligkeit abgrissn worn san hod de Gemeinde an Freizeitpark mit dem Biergarten Mühlenpark und am Wasserradl ois Symbol fia de vaschwundene Mühle baut.

Da Biergarten Mühlenpark guit ois oana da günstigsten Biergärten im Einzugsgebiet von München. Die Maß Bier gibt’s fia anständige 5,40 Euro und wer an Willi nach’m Essn brauchd griagt den a fia 1,80 Euro. Platz is gnua mit 650 Plätz, davo san sogar 200 übadacht.

Spezialität des Hauses:

Selbstgmachte Suiz und Obazda. Frische Brezn, de vor Ort bacha wern. Imma frische Würscht direkt vom Metzger.

Mo.-Fr. täglich wechselnde Mittagsgerichte. Donnersdogs gibt’s Spareribs. Am Sa.So.und Feierdog gibt’s Makrelen vom Holzkohlengrill.

So kimmsd hi:

MVV:
2,5 km von U 6 Garching- Hochbrück, Bus 290 Mühlgasse

Radl:
1 km vom Isar-Radweg; Radweg am Schleißheimer Kanal 8,5 km nach Oberschleißheim

Parken:
Großer Parkplatz Mühlenpark 500 m entfernt, beim Gymnasium

Tags: , , , , , , ,

Do konnsd Dein Schmarre neischreim