DER NACHTFLOHMARKT am Freitag, den 17.09.2010 ab 17:00 Uhr im Backstage Kultur- und Veranstaltungszentrum am Hirschgarten

Standesgemäß lassd da Münchner den Abend vor da Wiesn eher a bisserl ruhiga o’geh. S’ guit eben no de Krachlederne und as Dirndl fian Anstich her’zrichtn und am Samsdog a wirkli pünktlich aufzumsteh, damit ma an gscheidn Platz im Bierzelt griagt. Da biet si doch a entspannter Einkaufsbummel üban Nachtflohmarkt im Backstage perfekt o, um die Ruah vorm Sturm z’ genießen und dabei no a cooles Schnäppchen zum ergattern oda de Haushaltskasse aufz’fülln.

Passend zum Wiesn-Start findt auf ‘m Nachtflohmarkt zum allererstn Moi da Vintage Wiesn Trachtenverkauf statt. Fia alle Münchner Kindl und „Zuagroaste“, die aiso entweder no koa passende Tracht gfundn hom oda aba – wos no vui wahrscheinlicher is – einfach ned gnua davo griagn kenna, gibt’s exklusiv die scheenstn Dirndl, Lederhosn und Wiesn-Accessoires von de letztn Jahrzehnte. Wei: „One man’s garbage is the other man’s gold“, davo san die Veranstalter übazeugt.

Im Nachtbiergarten lodn de DJs und Straßenkünstler zu Wiesn-Bier und bayrische Schmankerl auf a unvergesslichs Trinkvergnügen ei. Wos aba ned hoassd, dass Wiesn-Hits spuin. S’ werd Einiges zum Hören, Sehen und Staunen gem. Aiso lasst’s Eich einfach überraschen…und kemmt’s vorbei.

[googlemap lat="48.1453" lng="11.522004" align="center" width="300px" height="150px" zoom="13" type="G_NORMAL_MAP"]80639 München, Deutschland[/googlemap]