Mit symbolische Plakate woin de Wiesn-Wirte jetzad eana’re Besucher auf’s Rauchverbot hiweisn. Gmoin hods da Karikaturist Dieter Hanitzsch.

Feili hätt ma a ganz typische Verbotsschilder aufstelln kenna. Die wo ma a aus’m Verkehr kennt. Rot umrandet mit a Zigarettn in da Mittn drauf, die duachgstricha is. Des hätt nachad wirkli jeda sofort verstanden: “Hier darf nicht geraucht werden.”

Da Wirtesprecher Toni Roiderer is deswegn auf die Idee kemma, des Rauchverbot “auf charmant-bayerische Weise” z’ vermitteln.

Die Wirte hom damit eana Hausaufgab gmacht – und Hanitzsch um Hilfe gebetn. Er hod zwoa Motive zeichnet. Oans vermittelt die Botschaft: “Leute esst und trinkt, aber raucht nicht.” Des andere zoagt a busslndes Paar – nach dem Motto: “Busseln ist besser als qualmen”. Die Idee zu dem Motiv is übrigens vom Hanitzsch seiner Frau Mercedes.