Was sind die Merkmale von einem Dirndl?

Ma kennt a frogn: An wos kennt ma a guads Dirndl? Fia a Dirndl konn ma vui Geld ausgem. A richtig guads Dirndl konn scho moi 400 € und mehra kost’n. Vor allem beim Stoff gibt’s vui zum beachtn: Baumwolle, Leinen oda seit neiast’m a Seide san die typischen Werkstoffe. Des Dirndl an sich is meistn’s aus am einteiligen Kleidl (zwoateilige Dirndl san scho eher unter da Kategorie “Landhaus” zum seng), a Schürzn und a Blusn. De Blusn werd a gern moi wegglassn, aba ned bei Ausschnitte, die nachad an Busen oda’n BH freilegen dad’n. So a Ausschnitt hoassd dann “Froschmaul”. Da ganz traditionelle Schnitt hod koane Träger, wei da de Blusn quasi scho mit ei’genaht is. Soiche Dirndl siggd ma heid aba nua no seltn, wei’s einfach aus da Mode kemm san.

Billige Dirndl kennt ma dro, dass de Schürzn mit’m Kleid’l zsamm kafft wern. Des gehd übahaupt ned. A gscheids Dirndl hod vorn an Verschluss, entweder mit Schnürung oda Haggl und Ösen oda Knepf.

Wennsd no mehra wissn wuissd, nach schauggsd weida beim Trachtenstrip…