D’ Wiesn hod no gar ned o’gfanga und doch gibt’s scho den erst’n Skandal. D’ Daniela Katzenberger kimmt auf ‘d Wiesn! Die Einladung kimmt von da 11 80 00, „die erste Telefonzentrale für Deutschland“.

Aba auf ‘m Oktoberfest san scho seit a paar Jahr Werbe-Veranstaltungen nimma erwünscht. Unsa Wiesn-Lady Gabriele Weishäupl steht a zu dem Verbot: „Wir sind keine Spielverderber, aber wir wollen keine Werbe-Wiesn, sondern ein traditionelles Fest für Familien.“

Derf die Katzenberger jetzad ned auf’ d Wiesn? Unsa Eiserne Wiesn-Lady hod in da Vergangenheit scho zwoa Wirte abg’mahnt, an David Copperfield wegzaubert und da Paris Hilton d’ Prosecco-Dosn aus da Hand g’nomma. Busenwunder Pamela Anderson hod damois sogar abxogt, wei ma ihr vaschärfte Bedingunga gstellt hod.
In da Einladung laut da Abendzeitung soi steh:„Wir würden Sie gerne einladen, Daniela Katzenberger und 118000-Vorstand Klaus Harisch zu treffen und ein bisschen über den neuen Dienst zu erfahren. Das alles in lockerer Atmosphäre auf dem Oktoberfest.“

Aba des mog d’ Wiesn-Chefin gar ned, wei si unsa liabe Katz’  ja no nia zrugg’ghoitn hod. Aussa sie hoit sich an des Oktoberfestgesetz: „Solche Events gehen in Ordnung, so lange der Promi nicht aktiv für die Marke wirbt. Keine Vorführungen, keine Präsentationen”

Lass ma uns üba’raschn…