Des brauchsd ois dazua:

zwoa ganze Freiland- oda Biohendl (ca. 1,2 -1,5 kg), 200g Sellerie, 1 Bund Lauchzwieve, 2 geabe Ruam, 1 Orange, 14 Pfeffakeandl, 2 Lorbeerblaadl, Soiz, 200 g greana Spargel, 200 g geabe Ruam, 200 g Austernpilze, 50 g Sojasprossen, fünf Radieserl, 1 Chicoree, 1 rote Paprika, Basilikum, Saft von 1 Limette, 30 g Sesam, 50 ml dunkle Sojasoße, Sesamöl, Honig, 1 Chilischote, Fischsoss oda Soiz, Mie-Nudeln oda an Basmatireis.

Und so weaz gmacht:

Z’erst die Hendl in Brust, Schenkel und Karkasse z’legn, oda des Ganze am Metzger Ihres Vertrauens übalassn.
Brustfleisch und Schenkel derfa aufeann Einsatz im Kühlschrank vapackt wartn. Die Hälfte von de Lauchzwieve, den Sellerie, die geabn Ruam und die Hendlkarkassen in Stüggl schnei’n, d’ Orange schälen und de Schalen zsamma mit Pfeffer, Lorbeer und am Gloagschnittna in koids Wasser doa und a Suppn draus kocha. Jetzad die Hendlbrust in Streifen schnei’n und in da Sojasoß zsamm mit’m Sesam fia zwoa Stund eilegn.
Fia mehra Aroma konn ma’n Sesam vorher rösten. Des restliche Gmias waschen, den Spargel und de geabe Ruam schälen und ois in Fleckerl oda Scheiben schnei’n. A die Chilischotn! A bisserl Sesamöl in Wok oda’d Pfanne giaßn, des Fleisch o’brodn, wieda nausdoa und zua Seitn stelln. Den Spargel und de Karottn o’brodn, dann an Essleffe Honig dazua und des restliche Gmias drin kuaz brodn, des Fleisch kimmt jetzad wieda in Wok und ois mit Limettensaft und 200ml Suppn ablöschn. Wer mog, konn die gschälte Orange filetieren und dazuagemn. Mit Fischsoss oda Soiz abschmegga.
Kuaz aufkocha lassn, servian! An Guadn Appetit!

Des Rezept is übrigens vom Greppmayr Peter…