A einfacher, loggara Rührkuacha mit g’schmackigem Marroniaroma. Fia alle die’s ned kenna. Maroni san Edelkastanien die ma essn ko’. Wenns’d aufn Christkindlmarkt gehs’d, nachad sixt ganz sicha an Maroni Mo.

Maroni Mo in Aktion

Des brauch ma dazua:

50 g Butter
60 g Zucker
50 g Marronipüree (kaffa oda selba g’macht)
25ml Milch
1 Ei
50 g Mehl
25 g Mandeln, geschält, gemahlen
1/4 Beutel Backpulver
1 Prise Lebkuchengewürz
1 Prise Salz
50 g tiefgekühlte, gekochte Maroni, aba vorher auftau’n Du Hirni…

und a’ 18er Springform, wos’d den Batz neischüttst.

So machst den Kuacha:

• Backofen auf 180°C vorhoazn.

• Butter und Zucker mit’ Handrühra schaumig schlogn. (Konnsd dein Mo macha lassn, wei a gwies a Schaumschläger is), nachad des Marronipüree und de Muich dazua mischn. Ei verquirlen und portionsweise nei rühren.

• Mehl, Mandeln, Backbuiver, Lebkuchagwürz und Soiz mischen. Zu dem andan Batz dazua rühren. Dann duasd die Maroni in feine Scheiben schneidn und unta de ganze Gaudi rühren.

• Jetzad die Backform sauba buttern und Mehl drüba. Den ganzn Batz in die Form schütten. In da untern Ofenhälfte ca. 30 Minuten bacha. Raus doa und aufm Gitter abkühlen lassen. Mit Puderzucker bestäuben.

Wenn ois guad g’laffa is, dann konnsd an Kaffee aufsetzn und mit deim Schaumschläger dei neie Kreation geniessen!

Kochbücher griagst übrigens do